الموضوع: كيفيه عمل بانر احترافى بأستخدام الفوتوشوب...اعلانات المنتدى

بسم الله الرحمن الرحيم

هذا اول موضوع لى بالمنتدى و ان شاء الله تشوفو منى مواضيع كتيير مفيده لأنه بصراحه منتدى يسستحق التقدير

المهم....فلنفترض ان احنا عملنا منتدى جامد و بستايل جبار من بتوع نصر الدين...و عايزين نحط بانر اعلانى جامد

دى طريقه عمل البانر بالفوتوشوب:
أولا اختار خلفيه حلوه كدا للبنر من على جهازك او الانترنت من جوجل او اى مكان يعجبك و افتحها بالفوتوشوب كدا


بعد كدا حنبدأ نكتب الكلام الى احنا عاوزينه فى البانر باختيار الاداه دى من شريط الادوات الى عالشمال

و مش حنسى اقولكم انك لازم تظبط الفونت الى يليق مع خلفيتك و تصميمك و لونه و حجمه من الشريط دا


و تبدأ تكتب الكلام كده


و بعد كده من على جنب حتعمل نسخه اضافيه للكلام بالضغط كليك يمين بالماوس على اللاير بتاع الكلام و اختيار
duplicate layer
و بعد كدا ندوس اوكى



بعد كده نخفى واحده من النسختين دول بالضغط على العين الى جنب اللاير بتاعنا و نختار اللاير التانى زى الصوره دى



و نعمل الى بقول عليه بالظبط روح فوق و اختار الى انت شايفه فى الصوره دى بالظبط



حيطلعلك رساله دوس اوكى و بعد كدا اضبط الاعدادات خلى الانجل 90 و الرقم التانى 20 او حسب مزاجك

و نكرر الخطوات دى لكل الكلام الى عاوزين نحطه فى البانر لحد ما يخلص و يبقى بالصوره دى




و طبعا لاحظ انك بتخفى كل الكلام و تظهر واحد بس فى كل مره بتعمل كلمه جديده و دى ملاحظه هامه جدا و حتفيد فى الى بعد كدا

و بعد كده نروح فوق برده و نختار الى بقول عليه برده...يعنى تروح على قائمه ويندو تعمل سلكت لانيمشن



حتلاقى ظهر عنك شريط كدا تحت و فيه صوره البروجكت الى احنا شغالين فيه
اعمله كذا نسخه برده عن طريق الضغط عالايقونه الصغيره الى جنب ايقونه صندوق الزباله الى تحت بعدد اللاير الى عندك و اظبط التايم بتاع كل فرام بالضغط عالسهم الصغير

و فى كل فرام اما تدوس عليه اخفى كل الكلام و اظهر واحده بس بالترتيب الى على مزاجك



و فى الاخر و اخم حاجه عشان نعمل ساف فى صوره بانر متحرك اختار
save for web& devices
من قائمه
File
و بعدين اختار
save
و خلص الحوار يا مان

لو مش فاهمين حاجه اسالو متتكسفوش خالص

و فى مثال موجود بالمرفقات


و اتتظروا مفاجئات كتييييير فى دوره تصميم المواقع

ملاحظه: الموضوع انا كنت عامله فى المنتدى الى انا بشرف فيه...طلبه اعدادى هندسه عين شمس

معلش اعزرونى انى نسيت...يتبقى كيف نركب الاعلان دا فى المنتدى

بص يا سيدى

نروح الى الملف overall_header.html الى موجود بداخل مجلد templates فى الاستايل الافتراضى بتاعك

و تضيف فى اخره خالص

كود:

<div align="center">
<IMG SRC=HTTP://YOURWEBSITE.COM/FORUMS/BANNER.GIF>
</IMG>
</div>

و طبعا غير الرابط الى انا كاتبه ده برابط البانر بعد ما ترفعه على منتداك او اى حته تانيه

الأخ والعزيز
amrdesigns
في البداية لايسعني إلا أن أشكرك شكر جزيل على مجهودك الجبار
الطريقة سهلة ورائعة
ولكن نسيت شيئاً مهماً منذ البداية
ألا وهو حجم البانر
الامر ليس في غاية الأهمية
ولكن البانرات المتعارف عليها دولياً هي التي تكون بحجم
60*468
عموماً
شكراً على جهدك الجبار
محبتي
من مجد الإسلام . . . .مجودة © 030